1-июнь куни “Халқаро болаларни химоя қилиш куни”

    Нуробод туманида 2017 йил 1-июнь  куни “Халқаро  болаларни   химоя  қилиш   куни”  муносабати  билан  “Ҳар бир болага  мехр, эътибор!”  шиори  остида туман марказидаги 18-сонли болалар мусиқа ва санъат мактабининг ҳавлисида байрам тадбири ва фаоллар залида концерт дастури бўлиб ўтди.

Байрам тадбирида 590 нафар иштирокчилар қатнашишди. Шундан 410 нафари ўқувчи ёшларни ташкил этади. Тадбирда туман ҳокими вазифасини бажарувчи Ш.Абдураҳмонов, туман прокурори Ш.Холмирзаев, туман ИИБ бошлиғи А.Очилов, туман ХТМФМТ ва ТЭ бўлими мудири Р.Тўраев  ва туман ташкилотлари иштирок этишди.

“Ҳар бир болага  мехр, эътибор!”  шиори  остида туман ҳокимлиги ва туман прокуратурасининг ташаббуси билан тумандаги 20 нафар кам таъминланган, чин етим ва боқувчисини йўқотган оила фарзандларига ҳомий ташкилотлар билан ҳамкорликда кийим-бош ва совға-саломлар улашилди. Тадбир сўнгида болажонлар байрам дастурхонига таклиф этилди.

“ХАYR MAKTAB – SALOM KOLLEJ”

2017-yil  25-may kuni Nurobod tuman Xalq  ta`limi muassasalari faoliyatini metodik ta`minlash va tashkil etish bo`limiga qarashli barcha umumta`lim maktablarida  “Хayr  maktab-salom  kollej”  tadbirlari ko`tarinki ruxda bo`lib o`tdi. 2016-2017  o`quv yili davomida samarali mehnat qilgan  maktab o`qituvchilari va a`lo baholar bilan o`quv yilini tugatayotgan o`quvchilar bo`limning maqtov va faxriy yorliqlari bilan, ularning ota-onalari esa bo`limning tashakkurnomalari bilan taqdirdirlandilar.

“Солиқ билимлари-болаларга” кўрик-танлови

Ўзбекистон Республикаси Давлат солиқ қўмитаси, Халқ таълими вазирлиги ҳамда Ўрта махсус касб-ҳунар таълими Марказининг 2009 йил 23-декабрдаги 238/330/49к/қ-сонли қўшма буйруғига асосан ҳар йили “Солиқ билимлари- болаларга” кўрик- танлови ўтказилиб келинмоқда. Жорий йилда ҳам мазкур танловни самарали ўтказиш, умумтаълим мактаблари ўқувчиларига солиқлар ва солиқ тўловлари ҳақидаги дастлабки тушунчаларни бериш, солиқларнинг тарихи, моҳияти, тўлаш тартиблари, солиқлар халқ ва давлат фаровонлиги манбаи эканлиги ҳақида уларнинг бошланғич билимларини шакллантириш ҳамда вилоят Халқ таълими бошқармасининг 2017 йил 27 март 73-сонли “Солиқ билимлари-болаларга” кўрик-танловининг ўтказиш тўғрисидаги буйруғи асосида туманимизда 2017 йил 14 апрел куни  бўлимга қарашли мактаблар бошланғич ва юқори синф ўқувчилари ўртасида 2 номинация бўйича:

1. Солиқ мавзусининг суратлардаги тасвири ( 1-4 синфлар учун)

2. Солиқ мавзусининг ҳикояларда акс эттирилиши (5-9 синфлар учун) 

“Солиқ билимлари-болаларга” кўрик-танлови  туман босқичи ўтказилди. Ўқувчиларнинг чизган ижодий ишлари суратлар ва тузган хиқояларни ўрганиб чиққан ҳакамлар ҳайъати қарорига биноан 75-умумий ўрта талим мактабининг 4-синф ўқувчиси Отамурадов Мардонбек ва 2-умумий ўрта таълим мактабининг 8-синф ўқувчиси Давлатова Регина ғолибликни қўлга киритдилар.

“Ислом Каримов асарлари билимдони”

Мустақил Ўзбекистон давлатининг асосчиси, буюк давлат ва сиёсат арбоби, ўзбек ҳалқининг улуғ ва ардоқли фарзанди, мамлакатимизнинг Биринчи Президенти Ислом Абдуғаниевич Каримов ўзининг серқирра сиёсий фаолияти, олий жаноб инсоний фазилатлари билан ватанимизнинг кўп асрлик тарихида ўчмас из қолдирди. Ислом Каримовнинг асарларини умумтаълим муассасаларида ватанпарварлик туйғусини шакллантиришда мухим омиллардан бири бўлиб келмоқда.

Ўзбекистон Республикаси Президентининг 2017 йил 25 январдаги “Ўзбекистон Республикасининг Биринчи Президенти Ислом Абдуғаниевич Каримов хотирасини абадийлаштириш тўғрисида”ги ПҚ-2744-сонли қарори ҳамда Халқ таълими вазирлигининг  2017 йилга мўлжалланган иш режаси ва 2017 йил 1 мартдаги “Ислом Каримов асарлари билимдони” республика кўрик-танловини ўтказиш тўғрисида”ги 66-сонли ҳамда вилоят Ҳалқ таълими бошқармасининг 2017 йил 4 мартдаги 51-сонли буйруқлари ижросини таъминлаш мақсадида 2017 йил 14 апрел бўлимга қарашли умумтаълим мактаблари 9-синф ўқувчилари ўртасида “Ислом Каримов асарлари билимдони” республика кўрик-танлови туманимизда ҳам кўтаринки рухда ўтказилди. Кўрик-танловнинг туман босқичи натижаларига кўра бўлимга қарашли 10-умумий ўрта таълим мактабининг 9-синф ўқувчиси Турдалиева Дилсўз ғолибликни қўлга киритди.

“Ҳуқуқ билимдонлари-2017”

Мамлакатимизда аҳолининг турмуш тарзини яхшилаш борасида амалга оширилаётган ислоҳатлар, юртимизда инсон ҳуқуқлари  ва эркинликларининг кафолатланиши ҳамда миллий истиқлол ғояларини ўқувчи-ёшлар онгига сингдириш орқали уларнинг ижтимоий-сиёсий фаоллигини ва ҳуқуқий билимларни янада ошириш ҳамда ўқувчиларда ҳуқуқий онг ва маданиятни юксалтириш, уларда фаол фуқаролик позициясини ва мустақил қарор қабул қилиш кўникмаларини ривожлантириш, бу орқали улар ўртасида ҳуқуқбузарликларни олдини олиш, иқтидорли ўқувчиларни аниқлаш ва уларни рағбатлантириш мақсадида ҳар йили “Ҳуқуқ билимдонлари” кўрик-танлови ўтказилади.  Жорий йилда ҳам Халқ таълими вазирлигининг 2017 йил 7 мартдаги 76-сонли буйруғи, вилоят Халқ таълими бошқармасининг 2017 йил 10 мартдаги 54-сонли буйруғи ва бўлимнинг 2017 йил 22 мартдаги 49-сонли буйруқлари асосида  Нуробод туман ХТМФМТ ва ТЕБга қарашли  умумий ўрта таълим мактаблари ўқувчилари ўртасида “Ҳуқуқ билимдонлари-2017” республика кўрик-танловининг мактаб, ҳудудий саралаш ва туман босқичлари ўтказилди. Кўрик-танловда туманимиздаги 76 та мактаб ўқувчилари катта қизиқиш билан қатнашдилар. 2017 йил 3-7 апрел кунлари кўрик-танловнинг ҳудудий саралаш босқичлари ўтказилди  ва 1,2,3-ўринларни эгаллаган гуруҳлар туман босқичида иштирок этиш ҳуқуқини қўлга киритди.

2017 йил 11 апрел куни бўлимга қарашли 2-умумий ўрта таълим мактабининг Фаоллар залида “Ҳуқуқ билимдонлари-2017” республика кўрик-танловининг туман босқичи ўтказилди. Туман босқичи натижалари ва ҳакамлар ҳайъати қарорига биноан бўлимга қарашли 38-умумий ўрта таълим мактаби ўқувчиларидан иборат “Адолат” жамоаси 1-ўринни эгаллади ва вилоят босқичига қатнашиш ҳуқуқини  қўлга киритди. 10-умумий ўрта таълим мактабининг “Хаққоният издошлари” жамоаси 2-ўринни ва 4-умумий ўрта таълим мактабининг “Адвокат” жамоаси 3-ўринни эгаллади. Ғолиб жамоалар бўлимнинг дипломлари ва эсдалик совғалари, фаол қатнашган гуруҳлар эса бўлимнинг фахрий ёрлиқлари ва эсдалик совғалари билан тақдирландилар.